SpiritualRūpa Gosvāmī
mukunda-muralī-rava-śravaṇa- phulla-hṛd-ballavī-
kadambaka-karambita-prati- kadamba-kuñjāntarā
kalinda-giri-nandinī- kamala-kandalāndolinā
su-gandhir anilena me śaraṇam astu vṛndāṭavī
vikuṇṭha-pura-saṁśrayād vipinato 'pi niḥśreyasāt
sahasra-guṇitāṁ śriyaṁ praduhatī rasa-śreyasīm
caturmukha-mukhair api spṛhita-tārṇa-dehodbhavā
jagad-gurubhir agrimaiḥ śaraṇam astu vṛndāṭavī
anārata-vikasvara-vratati- puñja-puṣpāvalī-
visāri-vara-saurabhodgama- ramā-camatkāriṇī
amanda-makaranda-bhṛd- viṭapi-vṛnda-vandī-kṛta-
dvirepha-kula-vanditā śaraṇam astu vṛndāṭavī
kṣaṇadyuti-ghana-śriyor vraja-navīna-yūnoḥ padaiḥ
su-valgubhir alaṅkṛtā lalita-lakṣma-lakṣmī-bharaiḥ
tayor nakhara-maṇḍalī- śikhara-keli-caryocitair
vṛtā kiśalayāṅkuraiḥ śaraṇam astu vṛndāṭavī
vrajendra-sakha-nandinī- śubhatarādhikāra-kriyā-
prabhāvaja-sukhotsava-sphurita-jaṅgama-sthāvarā
pralamba-damanānuja- dhvanita-vaṁśikā-kākalī-
rasajña-mṛga-maṇḍalā śaraṇam astu vṛndāṭavī
amanda-mudirāmbudābhyadhika-mādhurī-medura
vrajendra-suta-vīkṣaṇonnaṭita- nīla-kaṇṭhotkarā
dineśa-suhṛd-ātmajā-kṛta- nijābhimānollasal-
latā-khaga-mṛgāṅganā śaraṇam astu vṛndāṭavī
agaṇya-guṇa-nāgarī-gaṇa- gariṣṭha-gāndharvikā-
manoja-raṇa-cāturī- piśuna-kuñja-puñjojjvalā
jagat-traya-kalā-guror lalita-lāsya-valgat-pada-
prayoga-vidhi-sākṣiṇī śaraṇam astu vṛndāṭavī
variṣṭha-hari-dāsatā- pada-samṛddha-govardhanā
madhūdvaha-vadhū-camatkṛti- nivāsa-rāsa-sthalā
agūḍha-gahana-śriyo madhurima-vrajenojjvalā
vrajasya sahajena me śaraṇam astu vṛndāṭavī
idaṁ nikhila-niṣkuṭāvali- variṣṭha-vṛndāṭavī-
guṇa-smaraṇa-kāri yaḥ paṭhati suṣṭhu padyāṣṭakam
vasan vyasana-mukta-dhīr aniśam atra sad-vāsanaḥ
sa pīta-vasane vaśī ratim avāpya vikrīḍati