Kṛṣṇa deva! bhavantam vande

Rūpa Gosvāmī

kṛṣṇa deva! bhavantaṁ vande
man-mānasa-madhukaram arpaya
nija-pada-paṅkaja-makarande
yad api samādhiṣu vidhir api paśyati
na tava nakhāgra-marīcim
idam icchāmi niśamya tavācyuta
tad api kṛpādbhuta-vīcim
bhaktir udañcati yady api mādhava
na tvayi mama tila-mātrī
parameśvaratā tad api tavādhika
durghaṭa-ghaṭana-vidhātrī
ayam avilolatayādya sanātana
kalitādbhuta-rasa-bhāram
nivasatu nityam ihāmṛta nindati
vindan madhurima-sāram