Spiritualvraje prasiddhaṁ navanīta-cauraṁ
gopāṅganānāṁ ca dukūla-cauram
aneka-janmārjita-pāpa-cauraṁ caurāgragaṇyaṁ puruṣaṁ namāmī
śrī-rādhikāyā hṛdayasya cauraṁ navāmbuda-śyāmala-kānti-cauram
padāśritānāṁ ca samasta-cauraṁ caurāgragaṇyaṁ puruṣaṁ namāmī
akiñcanī-kṛtya padāśritaṁ yaḥ karoti bhikṣuṁ pathi geha-hīnam
kenāpy aho bhīṣaṇa-caura īdṛg dṛṣṭaḥ śruto vā nā jagat-traye ‘pi
yadīya nāmāpi haraty aśeṣaṁ
giri-prasārān-api pāpa-rāśīn āścarya-rūpo nanu caura īdṛg dṛṣṭaḥ śruto vā na mayā kadāpi
dhanaṁ ca mānaṁ ca tathendriyāṇi prāṇāṁś ca hṛtvā mama sarvam eva
palāyase kutra dhṛto ‘dya caura tvaṁ bhakti-dāmnāsi mayā niruddhaḥ
chinatsi ghoraṁ yama-pāśa-bandhaṁ bhinatsi bhīmaṁ bhava-pāśa-bandham
chinatsi sarvasya samasta-bandhaṁ naivātmano bhakta-kṛtaṁ tu bandham
man-mānase tāmasa-rāśi-ghore kārā-gṛhe duḥkha-maye nibaddhaḥ
labhasva he caura! hare! cirāya sva-caurya-doṣocitam eva daṇḍam
kārā-gṛhe vasa sadā hṛdaye madīye mad-bhakti-pāśa-dṛḍha-bandhana-niścalaḥ san
tvāṁ kṛṣṇa he! pralaya-koṭi-śatāntare ‘pi
sarvasva caura hṛdayān-nahi mocayāmi